බෝඩිමේ කතා වල අවසානය ??

අද මට මේක ලියන්න හිතුනේ ප්‍රමෝද් ලියල තිබුණු දෙයක් දැකල.ඇත්තටම මේක අපේ බෝඩිමේ කතා වල අවසානයද??

මේ ෆොටෝ එක අපි ගත්තේ අපි කැම්පස් ඇවිල්ල සෙමෙස්ටර් 2ක් විතර ගියාට පස්සේ ප්‍රමෝද්ගේ පොඩි කැම් 1න්. මේකෙන් පස්සේ මේ වගේ ෆොටෝ එකක් ගන්න අපිට අවස්තාවක් ලැබුනේ නෑ.එත් 2013.11.13 වෙනිදා අපි අපේ බෝඩිම ඇත හැරලා යන මොහොතේ කලනට,ප්‍රමෝද් ට 60D තිබුනත් මේ වගේ කට්ටිය "එකතු කරලා" ෆොටෝ ගන්න අපිට උවමනාවක් තිබුනේම නෑ.ඒ අවුරුදු  කිහිපයේදී අපට මොකද උනේ??

හෝව් හෝව්...බෝඩිමේ කතාව මේ විදියට කියන්න හදනකොට කට්ටිය අවුල් යයිද මන්ද!

ඇත්තටම ෆොටෝ කතාවට උත්තරේ මේකයි..අපි බෝඩිමෙන් යන දවසේදී අපි එකට ඉන්නවා කියල තහවුරු කරගන්න මතක සටහනක් වෙනම උවමනා කලේ නෑ.10 දෙනාගේම හිත් වල ඒ දේ ගැඹුරේම සටහන් වෙලා තිබුනේ."මචන් මම යනවා,පරිස්සමින් හිටපන්"කියල බෝඩිමේ එකෙක් ලට්ට ලොට්ට අරගෙන යන වෙලාවේදීත්....අනෙක් අය "එල මචන් ,උඹත් පරිස්සමෙන් ඉඳපන්"කියල කියපු වචන කිහිපයේත් ඒ බැඳීම සටහන් වෙලා තියෙනවා මම දැක්කා.වල බහිනවානම් වලද,ඇක දානවනම් ඇකද,වලි නම් වලිද බැස්සේ බෝඩිමේ උන් එකටමය.කොයිතරම් නොගැලපීම් ආවත් ඒවා විසඳාගෙන අවසානයේ අපි අපේ ගමන ආවා.ඉතින් මිට වසර 2කට පමණ පෙර චායාරුපයට නැගුනු එම සහෝදරත්වය නැවත වසර 2 කට පසු චායාරුපයකින් වෙන්කොට දකින්නේ කොහොමද ??...

අපේ බෝඩිම හැදෙන්නට මුලික වෙන්නේ 2010 අවුරුද්දේ  මාතරදී සංවිධානය කරපු මැච් එකක්.එතැනදී උදේ රෑ මහන්සිය නොබලා වැඩ කරපු idea දාපු සෙට් 1 තමා මේ විදියට බෝඩිමට එකතු උනේ.එතනදී 1st ,second shy කියල බෙදීමක් තිබුනේ නෑ.ඉස්කෝලේ එක පන්තියේ හිටිය කියල එකතු වෙන්න ඕන උනේ නෑ.රාහුල,සෙන්ට් තෝමස්,සර්වේශස් කියල ප්‍රශ්නයක් තිබුනේ නෑ.අපේ බෝඩිම කැකනදුර ඉඳං පටන් ගත්තම ගන්දර,දික්වැල්ල,තිස්සමහාරාම,සෙල්ලකතරගම,ඇඹිලිපිටිය,තණමල්විල,බෙලිඅත්ත,දෙනියාය ,සම්පුර්ණ රුහුණු රටම ආවරණය කරන පිරිසක් එකතු වුනු තැනක්. ඒ නිසා බෝඩිමේ කවදාවත් අලුත් අදහස් වලින් අඩුවක් උනේ නෑ.ඒ වගේම වැඩක් කරගන්න උනොත් VC හමුවෙලා හරි ඒ වැඩේ කරගන්න පුළුවන් උනුත් මේකේ හිටියා.

කැම්පස් එකට එන්න කලින් ඉඳං exmo එකට පෝස්ටර් ගහල වැඩ පටන් ගත්තු අපිට වෙන් වී වෙසෙන මේ මාස 6 අවසානයක් වෙන්නේ කොහොමද කියන එක මට නම් ගැටළුවක්.සමහර දේවල් වලදී අපි ඔක්කොම එකම බෝඩිමේ නිසා ලැබෙන්න තිබුනු දේවල් නොලැබුණු වෙලාවලුත් තිබුනා.එත් ඒ අවස්ථා වලදී හිත යටින් සතුටක් තිබුනා මේ දේවල් නොලැබෙන්නේ අපේ යමක් තියෙන නිසා කියල.මේ අවුරුදු 3 ඇතුලතදී කැම්පස් එකට අලුත් දේවල් එකතු කරන්නත් අපේ අදහස් සහ තීරණ වලට පුළුවන් උනා.දහදිය මහන්සියෙන් උපන් පන්නරය පරයා රැඩිකල් චින්තන රජයන යුගයක කොන්ද කෙලින් තියාගෙන අපේ ගමන යන්ටත් අපට පුළුවන් වුනා.

බෝඩිමේ මචන්ලා...සතුටු වෙමු !මේ අවුරුදු 3 ඇතුලත අපි genuine game1ක්  play කලා.ඉස්සරහට අපි මේකෙන් අවුට් වේවි....ජොබ් කරාවි ....එතනින් පස්සේ කරන දේවලුත් කරාවි.එත් ඉදිරියට අපිට ලැබෙන දේවල් මේ අවුරුදු 3 ඇතුලත අපි එකතුවෙලා කරපු කියපු ලබා ගත්තු දේවල් මත රඳා තියේවි.ඉතින් මචන් මේක බෝඩිමේ කතා වල අවසානයද?....නැත්නම් තවත් ආරම්භයක්ද??