A9 අද්දර ජීවිතය...

දැන් යාපනේ ට්‍රේනින් ඇවිත් මාසයකටත් කිට්ටුයි.හෙඩ් ඔෆිස් එකෙන් කොඩිකාමම් ට්‍රේනි විදියට නම දාපු වෙලාවේ පොඩි බයකුත් දැනුනේ නැත්තේම නෑ.දැන් නම් ඉතින් යාපනෙත් ගෙදර වගේ තමා.

කොඩිකාමම් කියන්නේ A9 අද්දර තියෙන පොඩි ටවුන් එකක්.පාර අද්දරමයි අපේ ස්ටේෂන් එක තියෙන්නෙත්.ඉස්සරහ තියෙන්නේ පොස්ට් ඔෆිස් එකක්.හවසට කර්තකොලොම්බන් අඹ කඩන්නේ ඒ ඔෆිස් එකෙන් තමා.සයිට් එක ගැන කතා කලොත් ඒක ගොඩක් දුරට හදල ඉවරයි.අපේ අනිත් කස්ටිය ට්‍රේනින් ගැන කියපු කරපු දේවල් අහනකොට සමහර මේක මදි වගේ දැනුනේ නොදනුවත්වමයි.ඒත් ඒ මුල් දවස් කීපයේ විතරයි.අද වෙනකොට මට කරන්න ,අහන්න දකින්න ලැබුණු දේවල් එක්ක මාර සතුටක් දැනෙන්නේ.කෝමින් කෝම හරි මට සයිට් ඉන්චාර්ජ් විදියට ඉන්නත් අවස්ථාවක් ලැබිල තියෙන්නේ.(වැඩ බලන  12/11 -12/15)පොඩි ප්‍රශ්නෙකට තියෙන්නේ මම කියන දෙමල වැඩකරන අයට තේරෙන්නේ නැති එකයි,එයාලගේ දෙමල මට තේරෙන්නේ නැති එකයි විතරයි.

දෙසැම්බර් කියන්නේ යාපනේට වහින කලේ.මේ කලේ යාපනේ ට්‍රේනින් එන්න මේකත් ඒක හේතුවක් උනා.පරිසරයේ රස්නය අඩු වීමත් සත්තු ප්‍රමාණය වැඩි වීමත් මේකට හේතු උනා.(කලේ මාරු උනාට කොටියාගේ පුල්ලි මාරු වෙන්නේ නෑ නේ..).වැඩපටන් ගන්නත් එක්ක සමනල බිත්තර ටිකකුත් හොයා ගත්ත කියමුකෝ.

A9 ගැන කියනවා නම් මේක ගාලු පාරටත් වඩා වාහන වැඩි ද කියක හිතෙන වෙලාවලුත් තියෙනවා.වවුනිය-යාපනය බස් හරියට මොරටුව පිටකොටුව බස් වගේමයි.වෙනසකට තියෙන්නේ මෙහෙ බස් 60ට අඩුවෙන් යන්නේ නැති 1 විතරයි.

පාරවල් වල කෙල්ලෙක් කුඩයක් ඉහාගෙන යනවා දකින්නේ එහෙමත් කලාතුරකින්.හුඟක්ම ගෑනු ළමයි පාවිච්චි කරන්නේ බයිසිකල්.ඒ නිසාමද කොහේදෝ ඒ අය ටිකක් කලුයි.සුදු ගෑනු ළමයි නැත්තෙමත් නෑ..හැබැයි හුගක් අය යන්නේ මෝටර් බයිසිකල් වල.සුදයි,වත්කමයි අතර අනුලෝම සමානුපතිකත්වයක් තියෙනවද කියලත් හිතෙනවා.ඒ කෝම උනත් බයිසිකල් හෙමින් මගේ ස්ටේෂන් ඒක පහුකරන් යන අතරේ මෝටර් බයික් නම් වේගෙන් ස්ටේෂන් ඒක පහු කරන් යනවා.
සන්කෙන් ට්‍රේනින් යන්න කලින් හුඟක් අය කිව්වා යන්න එපා බන් වැඩ වැඩියි,නිදා ගන්න වත් වෙලාවක් නැති වෙයි කියල.ඒත් මෙහෙ එහෙම නෑ.උදේ 9-10 විතර වැඩ පටන් අරන් හවස 5 වෙනකොට මෙහෙ වැඩ ඉවරයි.(කට වරැද්ද ගත්තද මන්ද...)ඉතින් කරන්න තියෙන්නේ රෑ ටීවී සිරිස් එකක් හරි ෆිල්ම් එකක් හරි බලලා උදේ 7 වෙනකන් නිදා ගන්න ඒක තමයි.මෙහෙ හිටපු දවස් 20 ට මට සයිට් 4 ක වැඩ කරන්න/බලන්න  අවස්තාව ලැබුනා.යාපනය ස්ටේෂන්,නාවට්කුලි බැචින් ප්ලාන්ට් ,නාවට්කුලි පාලමේ පයිල් කැප්‍ ඒක වගේ දේවලට සහබාගි වෙන්න අවස්තාව ලැබුනා.කොමත් තව ටික දවසකින් තවත් අලුත් තැනකට යනවා ට්‍රේනින්ග් වලට.ආසන්නම මතකයෙන් A9 ගැන ලියන්න ඕන නිසයි මේකත් ලිව්වේ.අවසාන වශයෙන් කියන්න තියෙන්නේ යාපනය කියන්නේ බෝම ඉක්මනින් දියුණු වෙන නගරයක්.පහුගිය අවුරුද්දේ මැයි වලදී දැකපු යාපනය නෙවි අද දකින්න තියෙන්නේ..so don't miss your chances to visit here.....

(මගේ මාස 6 vacation එක - To be conT: )